قال ثم من؟ قال: أمك هل عيد الأم له يوم أم انه في كل يوم ؟ عيد الأم كندا

في بداية  حياتك أول واحد يتعذب عليك باش تشوف الحياة هو امك، وأول حضن يضمك ليه هو حضن امك واول واحد تشوفو هو امك وأول كلمة تقولها هي كلمة ماما فياترى اذا قلنا لها كل عام وأنتي بخير يا أمي تكفيها؟ يوم عيد الأم هو اليوم اللي كل ابن يستناه باش يعبر لأمه عن مدى حبه لها سواء يعايدها بهدية لها قيمة مادية تفرحها او هدية لها قيمة معنوية تفرحها اكثر. حنا في بالنا هذا اليوم الوحيد اللي نعايدوها فيه و ناسيين انو عيد الأم يجي في كل يوم، دائما وكل يوم هي الوحيده اللي تفكر فينا وهي الوحيدة اللي توقف معانا في أصعب حالاتنا قبل أي شخص وهي الوحيدة اللي نصرخو في وجهها ونخرجو نخممو كيفاش نرضو أصحابنا اللي يضيعو لنا وقتنا كل يوم.... وكي يجي يوم عيد الأم برك نتفكرو بلي كاين انسان ناسيينو وهو في حياتو كامل متذكرنا اليوم الوحيد اللي نطلبو السماح من امنا وناسيين انو لازم كل يوم نطلبو سماحها ورضاها علينا. ما كان حتى حضن يدوملك في هاذ الحياة غير حضن امك وماكان حتى واحد يوقف معاك في هاذي الحياة غير أمك ممكن تخمم انو في يوم من الأيام اذا طحت راح تلقى اصحابك ولكن الأصحاب دائما يخممو ويكتا يكملو مصالحهم منك ومبعد يخلوك واذا طحت اول ناس ينساوك هم اصحابك واللي دائما متفكرنا ودائما كان يحضننا مخليينو ونتفكروه فقط في يوم عيد الأم بكلمة واحدة وهي كل عام وانتي بخير يا أمي وهي كلام الدنيا كامل مايكفيهاش اتفكر برك شحال من مرة بردت وهي أول واحد كان يدفيك واتفكر شحال من مرة خويت وهي أول واحد كان يجيبلك باش تاكل وتفكر شحال من مرة مرضت وهي اللي كانت تدعيلك باش تبرى اتفكر برك بلي هي حبيبتك وامك حضنك وسندك في هاذي الحياة وتفكر انو دائما كانت تحرم نفسها من كلش علاجال باش ترضيك وناسي انو ترضيها وناسي باش تقولها برك شكراً يا أمي تعبتي روحك! هي الوحيدة اللي تعطيك بدون ماتطلب منك حتى حاجة وهي الوحيدة اللي دائما تسامحك وماتعاملكش بأنانية مهما درت لأنك ابن رحمها. سامحينا ياما دينا من حياتك ياسر وتعبناك معانا واحنا صغار ومازلتي تعبانا معانا واحنا كبار سامحينا ياما نتي اصلا مش مستنيا منا حتى حاجة وعمرك ماستنيتي حتى حاجة منا سامحينا ياعضيمة مهما قلنا في حقك قليل ياما مستحيل نلقى حضن كيما حضنك ومستحيل نلقى واحد يدفيني غيرك ياما مستحيل نتي الوحيدة اللي بقيتي معايا بعد أبي وانتي الوحيدة اللي واقفة معايا في كل خطوة نتخطاها فحياتي ربي يخليك ليا ويشفيك من كل مرض ويطول في عمرك وكل عام وأنتي بألف خير ياغالية. هذا اليوم هو عيد الأم ومش مهم كل واحد وش راح يقدم لأمو من هدية بهاذي المناسبة لأنو مهما كانت الهدية راها غالية عند امك سواء هدية تعطيهالها في ايدها أو كلام تقولولها يدخل قلبها ويفرحها. واللي أمو متوفية يعايدها بقلبو مكاش غير الأم اللي تحس بيك حتى ونتا بعيد عليها راح تسمعها منك نتا برك ابقى متفكرها وحاطها في قلبك وهي راح تفرح صدقني. في عينيك وجع كلما نظرت إلينا تتمنين ان نقول لكي نحبك من القلب لكن حبك في قلوبنا أقوى من اللفظ انتي التي علمتنا ان نحبك في صمت فحبك في أعماق الوجدان لاتكفيه الألفاظ من نبرات انتي اللي حرقتي حالك مشان ندفى بسوريا وأنتي اللي حملتيني شهيد بفلسطين وأنتي الأم اللي فش مثلك بالأردن وانتي ست الحبايب في مصر وانتي لحبيبة ديالي في المغرب وانتي لميمة في الجزائر وانتي لي حذاية فتونس فين مامشيت كلمات : _عبدالمؤمن بوزيدي _رضوان بوزيدي _امينة بوزيدي _الفنان الأردني احمد مساد _الفنان السوري يسر دولي

الفئة