طريقة عمل البوريك التركي بالجبنة أسهل و أسرع صينية بوريك ممكن تجربوها كندا

اليوم عنا طريقة عمل اكثر اكلة مشهورة فيها تركيا و هي البوريك هنعمل البوريك التركي بحشوة الجبنة و البقدونس على الطريقة التركية الأصلية و هتكون أسهل و أسرع صينية بوريك ممكن تجربوها و ألذ بوريك بالجبنة ممكن تعملوه و بتمنى تعجبكم الوصفة و تجربوها و اذا عجبتكم الوصفة او جربتوها لا تنسوا تكتبوا لي رأيكم بالتعليقات يلا نبدا مع بعض .حتى لا يفوتكم وصفاتنا يمكنكم الاشتراك فى القناه. /c/elmatbakhelturky المكونات: 4 قطع من عجينة اليوفكا 1-2 ملعقة صغيرة من الزيت السمسم حبة البركة مكونات الحشوة: 400 جرام من الجبنة البيضاء البقدونس مكونات صوص البوريك: 4 ملاعق كبيرة من اللبن 1 فنجان قهوة من الزيت 1 كوب من الحليب 1 حبة من البيض طريقة التحضير: 1- بالبداية لتجهيز صوص البوريك هنضيف في طبق مناسب اللبن، الزيت و الحليب و نخفق كل المكونات مع بعض منيح لحتى يجهز معنا الصوص و هيك بيكون جهز معنا صوص البوريك 2- هلق هناخد الصينية اللي هنستخدمها و نضيف فيها شوي من الزيت و نوزعه على كل الأطراف بشكل متساوي بمساعدة الفرشاه 3- اما هلق هناخد أول قطعة من عجينة اليوفكا و هنكون قاسمينها من الوسط لقسمين و هنحط القسم الأول على الطاولة و ندهنه من كل الأطراف بالصوص اللي جهزناه 4- بعدين لتجهيز الحشوة هناخد في طبق مناسب الجبنة البيضا و البقدونس و نحركهم مع بعض و نضيف شوي من الحشوة على عجينة اليوفكا على كل الاطراف بشكل متساوي 5- بعدين هنسكر العجينة على شكل الرول و ننتبه و نحن و عم نسكرها ما تتشقق معنا و هناخد قطعة رول البوريك اللي جهزناها و نحطها في صينية الفرن و نعملها على شكل الوردة مثل اللي بالفيديو 6- بعدين هناخد القطع الثانية من عجينة اليوفكا و نكمل بنفس الطريقة و ندهنهم بالصوص و نضيف الحشوة و نسكرهم عل شكل الرول بعدين هنطهم في صينية الفرن و نلفهم حوالين أول قطعة حطيناها و نكمل بنفس الطريقة لحتى تخلص معنا كل الكمية 7- و اخيرا بعد ما نخلص كل البوريك هناخد الصوص اللي زاد معنا و نضيف عليه حبة من البيض و نخفقهم مع بعض منيح بعدين هنضيفه على البوريك و نوزعه على كل الأطراف بشكل متساوي 8- و لحتى يعطينا طعم جميل هنضيف شوي من السمسم و حبة البركة على البوريك و طبعا هي الخطوة على حسب الرغبة 9- و هيك بيكون جهز معنا البوريك هندخله على فرن حامي على درجة حرارة 180 لمدة 40 دقيقة و نتركه بالفرن لحتى يجهز معنا 10- و لما تخلص معنا المدة هنطالع البوريك من الفرن و نستنى عليه لحتى تطلع منه الحرارة الأولى بعدين هنقدمه بالشكل و الطريقة اللي منحبها و صحة و عافية طريقة عمل بوريك السبانخ و الجبنة البيضاء /watch/AlKvY43mjtDmv طريقة عمل البوريك التركي باللحمة المفرومة /watch/8PoPY-eaVWSaP طريقة عمل البوريك الكذابي /watch/08vnXlpQcTiQn اعملي بوريك السبانخ خطوة بخطوة بنفسك /watch/UfICKj_bnizbC أسهل طريقة لعمل بوريك البطاطا /watch/4cE-ceeV81wV- طريقة عمل قطع البوريك بالجبنة /watch/QJ0xKj-INQjIx يمكنكم الاشتراك فى صفحتنا على الفيسبوك. https://www.facebook.com/elmatbakh.elturky يمكنكم متابعتنا على الانستغرام. https://www.instagram.com/elmatbakh.elturky

الفئة